UVCCM
Tafadhali subiri...
+255 655248822 info@uvccm.or.tz
Makao Makuu, Dodoma
UMOJA WA VIJANA WA CCM (UVCCM)

RAIS DKT. SAMIA AZINDUA SOKO JIPYA LA KARIAKOO: AFUNGUA UKURASA MPYA WA TUMAINI LA KIUCHUMI, AAGIZA HAKI, UWAZI NA USALAMA KWA WAFANYABIASHARA

08 Feb, 2026 13 Machapisho
RAIS DKT. SAMIA AZINDUA SOKO JIPYA LA KARIAKOO: AFUNGUA UKURASA MPYA WA TUMAINI LA KIUCHUMI, AAGIZA HAKI, UWAZI NA USALAMA KWA WAFANYABIASHARA
Dar es Salaam
08 Februari 2026
Rais wa Jamhuri ya Muungano wa Tanzania, Dkt. Samia Suluhu Hassan, leo amezindua rasmi Jengo Jipya la Soko la Kariakoo, tukio lililoashiria kufunguliwa kwa ukurasa mpya wa matumaini ya kiuchumi na uthibitisho wa dhamira ya Serikali ya Awamu ya Sita katika kulinda ajira, kurejesha kipato na kuimarisha hadhi ya biashara za Watanzania.
Akizungumza wakati wa uzinduzi huo, Rais Dkt. Samia amesema ujenzi wa Soko Jipya la Kariakoo ni nguzo kubwa ya shughuli za kiuchumi kwa maelfu ya Watanzania wanaotegemea biashara kama chanzo kikuu cha maisha yao.
“Tunapozindua Soko Jipya la Kariakoo leo hii, tunafungua ukurasa mpya wa tumaini na nguzo kubwa ya shughuli za kiuchumi kwa Watanzania wengi wanaotegemea biashara,” amesema Rais.
Rais ameeleza kuwa soko hilo ni sehemu muhimu ya mfumo wa biashara wa taifa, likiwa ni kitovu kinachowaunganisha wazalishaji wa mazao ya kilimo na viwandani, wasafirishaji, wauzaji na wanunuzi, si tu kutoka ndani ya Tanzania bali pia kutoka nchi jirani.
“Soko hili ni sehemu muhimu kibiashara kwa nchi yetu, linaunganisha mzalishaji wa mazao ya kilimo au ya viwandani, msafirishaji, muuzaji pamoja na mnunuzi,” amesisitiza.
Katika kueleza dhamira ya Serikali, Rais Samia amesema uamuzi wa kujenga upya Soko la Kariakoo ulilenga kurejesha kipato cha wafanyabiashara, kulinda ajira zilizokuwepo na kuimarisha hadhi ya biashara ya ndani, akibainisha kuwa huo ndio uhalisia wa falsafa ya Kazi na Utu.
“Serikali imechukua jitihada za kulijenga upya soko hili la Kariakoo kwa lengo la kurejesha kipato, kulinda ajira na kuimarisha hadhi ya biashara ndani ya nchi yetu, na huu ndio uhalisia wa kazi na utu,” amesema.
Katika msisitizo wa uongozi bora na haki za kiuchumi, Rais Dkt. Samia ameelekeza kuwa upangaji wa maeneo ya kufanyia biashara ndani ya soko hilo jipya lazima uzingatie haki, uwazi na usawa, bila upendeleo wa aina yoyote.
Amesema hatarajii kusikia wafanyabiashara wakipata maeneo kwa misingi ya ukaribu na viongozi, urafiki au ushawishi usio halali, na kulitaka Shirika la Masoko Kariakoo kutekeleza majukumu yake kwa weledi na uadilifu.
“Sipendi kusikia kwamba kuna wafanyabiashara wamepata maeneo kwa upendeleo. Shirika la Masoko Kariakoo lifanye kazi yake ipasavyo,” amesisitiza Rais.
Rudi kwa Habari

Habari Zinazohusiana

KATIBU MKUU WA UVCCM KUONGOZA KIKAO CHA SEKRETARIETI YA BARAZA KUU LA UVCCM, ZANZIBAR
KATIBU MKUU WA UVCCM KUONGOZA KIKAO CHA SEKRETARIETI YA BARAZA KUU LA UVCCM, ZANZIBAR

09 Feb, 2026

Katibu Mkuu wa Umoja wa Vijana wa Chama Cha Mapinduzi (UVCCM), Ndugu Halid Mwinyi (MNEC), anatarajiwa kuongoza kikao cha Sekretarieti ya Baraza Kuu la UVCCM kitakachofanyika Jumanne, tarehe 10 Februari 2026, katika Chuo cha Umoja wa Vijana Tunguu, Zanzibar.

Soma Zaidi
RAIS DKT. SAMIA AAGIZA UTUNZAJI WA MIUNDOMBINU, UJENZI WA KITUO CHA WATOTO NA ELIMU YA ZIMAMOTO SOKO JIPYA LA KARIAKOO
RAIS DKT. SAMIA AAGIZA UTUNZAJI WA MIUNDOMBINU, UJENZI WA KITUO CHA WATOTO NA ELIMU YA ZIMAMOTO SOKO JIPYA LA KARIAKOO

08 Feb, 2026

Dar es Salaam 08 Februari 2026 Katika kulinda uwekezaji wa umma na kuhakikisha thamani ya fedha za wananchi inalindwa, Rais wa Jamhuri ya Muungano wa Tanzania, Dkt. Samia Suluhu Hassan, amesisitiza umuhimu wa kutunza na kusimamia miundombinu ya Soko

Soma Zaidi
KATIBU MKUU WA UVCCM KUONGOZA MAADHIMISHO YA MIAKA 49 YA CCM KIMKOA, WILAYA YA PANGANI
KATIBU MKUU WA UVCCM KUONGOZA MAADHIMISHO YA MIAKA 49 YA CCM KIMKOA, WILAYA YA PANGANI

04 Feb, 2026

Katibu Mkuu wa Umoja wa Vijana wa Chama Cha Mapinduzi (UVCCM) Taifa, Ndugu Halidi Mwinyi, leo anatarajiwa kuongoza sherehe za maadhimisho ya kumbukizi ya miaka 49 tangu kuzaliwa kwa Chama Cha Mapinduzi (CCM) katika ngazi ya mkoa, zitakazofanyika Wilaya ya Pangani.

Soma Zaidi