UVCCM
Tafadhali subiri...
+255 655248822 info@uvccm.or.tz
Makao Makuu, Dodoma
UMOJA WA VIJANA WA CCM (UVCCM)

MWENEZI KENANI APOKELEWA KWA KISHINDO DAR ES SALAAM

06 Dec, 2025 39 Machapisho
MWENEZI KENANI APOKELEWA KWA KISHINDO DAR ES SALAAM
 
Dar es Salaam, 06 Disemba 2025 — Ukumbi wa Diamond Jubilee ulibubujikwa na shamrashamra leo baada ya maelfu ya wanachama na viongozi wa Chama Cha Mapinduzi (CCM) Mkoa wa Dar es Salaam kujitokeza kwa wingi katika kikao kazi cha kwanza cha Katibu wa Halmashauri Kuu ya CCM Taifa, Itikadi, Uenezi na Mafunzo, Ndugu Kenani Laban Kihongosi (MCC) na viongozi wa chama wa mkoa huo.

Ndugu Kenani, ambaye ameanza majukumu yake vyema kwa kasi ya kipekee, alipokelewa kwa kishindo kikubwa kilichoashiria matumaini mapya, mshikamano wa chama na nguvu ya kisiasa ya CCM katika jiji hilo. Viongozi mbalimbali wa ngazi zote za chama kuanzia matawi, kata, hadi mkoa  wamehudhuria, wakiwemo makatibu, wabunge, madiwani, na makada wa chama wamejitokeza kuunga mkono ajenda za uenezi na mafunzo anazozipeleka katika mikoa mbalimbali.

Kikao hiki cha kwanza jijini Dar es Salaam kinachukuliwa kama mwanzo wa safari mpya ya kuimarisha chama, kuongeza uelewa wa wanachama kuhusu Ilani ya CCM na kuongeza kasi ya uenezi wa mafanikio ya serikali ya awamu ya Sita inayoongozwa na Mheshimiwa Rais Dkt. Samia Suluhu Hassan.

Wachambuzi wa masuala ya siasa wameeleza kuwa mwitikio mkubwa wa leo unaonesha kuimarika kwa hamasa za chama na imani ya wananchi kwa ajenda ya maendeleo na maridhiano ya taifa.

“Dar es Salaam imeonyesha nguvu na umoja. Safari ya kuimarisha uenezi imeanza kwa kishindo,” alisema mmoja wa viongozi waliohudhuria kikao hicho.

Kikao hicho kimefungua ukurasa mpya wa mahusiano kati ya ofisi ya Mwenezi Taifa na viongozi na wanachama wote kuanzia tawi, shina na hadi mkoa na Dar es Salaam imeweka historia kama mkoa wa kwanza kumpokea Katibu Mwenezi mpya kwa mwitikio mkubwa wa aina yake.
Rudi kwa Habari

Habari Zinazohusiana

TRILIONI 2.4 ZA RAIS DKT. SAMIA ZAAMSHA MUITIKIO MKUBWA KWA VIJANA WASOMI DAR ES SALAAM
TRILIONI 2.4 ZA RAIS DKT. SAMIA ZAAMSHA MUITIKIO MKUBWA KWA VIJANA WASOMI DAR ES SALAAM

23 Dec, 2025

Dar es Salaam, 23 Desemba 2025 Maelfu ya vijana wasomi wa Vyuo na Vyuo Vikuu Mkoa wa Dar es Salaam wamejitokeza kwa wingi katika Hafla ya Ukaribisho wa Wanafunzi wa Mwaka wa Kwanza, iliyofanyika katika Ukumbi wa Mikutano wa JNICC, chini ya Mgeni Rasmi Mwenyekiti wa UVCCM Taifa na Mjumbe wa Kamati Kuu ya CCM Taifa, Ndg. Mohammed Ali Kawaida (MCC).

Soma Zaidi
ATAKAYECHEZEA AMANI YA TAIFA LETU AWE ADUI YETU SOTE
ATAKAYECHEZEA AMANI YA TAIFA LETU AWE ADUI YETU SOTE

21 Dec, 2025

Mwenyekiti wa Umoja wa Vijana wa Chama Cha Mapinduzi (UVCCM) Taifa na Mjumbe wa Kamati Kuu ya CCM, Ndugu Mohammed Ali Kawaida, ametoa wito kwa vijana wote wa Kitanzania, viongozi na wananchi kwa ujumla kulinda, kutetea na kudumisha amani ya Taifa letu. Amesisitiza kuwa amani ya Tanzania ni tunu muhimu na ya msingi kwa ustawi wa Taifa, akibainisha kuwa yeyote atakayethubutu kuichezea amani hiyo hana nafasi katika jamii na anapaswa kuonekana kuwa adui wa wote.

Soma Zaidi
Ujumbe wa Katibu Mkuu wa Umoja wa Mataifa kwa Rais wa Tanzania
Ujumbe wa Katibu Mkuu wa Umoja wa Mataifa kwa Rais wa Tanzania

14 Dec, 2025

Dar es Salaam | 14 Disemba 2025 Katibu Mkuu wa Umoja wa Mataifa (UN), Mheshimiwa Antonio Guterres, ameipongeza Tanzania kwa kuendelea kuwa kielelezo cha amani, mshikamano wa kijamii na utulivu wa kisiasa barani Afrika na duniani, licha ya changamoto zilizojitokeza wakati wa uchaguzi mkuu wa Oktoba 29, 2025.

Soma Zaidi