Rais Dkt. Mwinyi Apokea Pole Kufuatia Kifo cha Kaka Yake

26 Sep, 2025 12 Machapisho

Zanzibar, 26 Septemba 2025 – Rais wa Zanzibar na Mwenyekiti wa Baraza la Mapinduzi, Mheshimiwa Dkt. Hussein Ali Mwinyi, amepokea salamu za pole kufuatia kifo cha kaka yake mpendwa, Marehemu Abbas Ali Mwinyi, kilichotokea jana tarehe 25 Septemba 2025.

Katika kuonesha mshikamano wa kitaifa na upendo wa kidugu, viongozi mbalimbali wa ngazi za juu walifika nyumbani kwa familia ya marehemu huko Bweleo, Mkoa wa Mjini Magharibi, kutoa mkono wa pole na rambirambi.

Uongozi wa Kitaifa Wajumuika

Miongoni mwa viongozi walioungana na Rais Mwinyi ni:

Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan
Naibu Waziri Mkuu, Mhe. Dotto Mashaka Biteko
Spika wa Bunge la Jamhuri ya Muungano wa Tanzania, Mhe. Dkt. Tulia Ackson Mwansasu
Makamu wa Pili wa Rais wa Zanzibar, Mhe. Hemed Suleiman Abdulla
Spika wa Baraza la Wawakilishi Zanzibar, Mhe. Zuberi Ali Maulid
Katibu Mkuu wa CCM Taifa, Mhe. Dkt. Asha-Rose Migiro
pamoja na viongozi wengine mbalimbali wa Serikali, chama na taasisi za dini.

RATIBA YA MAZISHI

Kwa mujibu wa familia, Marehemu Abbas Ali Mwinyi atasaliwa katika Masjid Jamia Zinjibar, Mazizini mara baada ya Sala ya Ijumaa, kisha kuzikwa Mangapwani, Mkoa wa Kaskazini Unguja, leo tarehe 26 Septemba 2025.

Mwenyezi Mungu ailaze roho ya marehemu mahali pema peponi. Amina.

Rudi kwa Habari

Rais Dkt. Mwinyi Apokea Pole Kufuatia Kifo cha Kaka Yake

Habari Zinazohusiana

KURA YANGU SAUTI YANGU

KAWAIDA: &quot;WATAKE WASITAKE CCM ITASHINDA KWA KISHINDO KIKUBWA TAREHE 29&quot;

MARTINE AHAMASISHA WAPIGA KURA KUBEBA KADI ZAO OKTOBA 29 NA KUTIKI KWA DKT. SAMIA SULUHU HASSAN

KAWAIDA: "WATAKE WASITAKE CCM ITASHINDA KWA KISHINDO KIKUBWA TAREHE 29"